GRAL BÍÐUR FRÉTTA.

Gleðilegt nýtt ár góðir GRALvinir.  Þökkum fyrir fortíðina og hlökkum til framtíðar.  Við eigum að baki fjögur ár og þrjár leiksýningar; 21 MANNS SAKNAÐ, HORN Á HÖFÐI og ENDALOK ALHEIMSINS.  Höfum þegar fengið styrk og stuðning frá Menningarráði Suðurnesja til að setja upp HALARASS, sem er sjálfstætt framhald HORNA Á HÖFÐI.  En bíðum frétta frá LEIKLISTARRÁÐI og MENNTAMÁLARÁÐUNEYTI.  Þar er ákveðið hvaða sýningar skuli styrktar til uppsetningar á þessu ári.  Einnig bíðum við eftir fréttum af húsnæði í heimabænum GRINDAVÍK.  Leikmyndirnar okkar eru út um allt í geymslu og það rými sem bæjaryfirvöld ætla okkur til framtíðar losnar ekki nærri strax.  Fréttir af úthutun LEIKLISTARRÁÐS ættu að berast um næstu mánaðarmót (jan./feb.).  Þá vitum við meira.  

SÝNINGAR Á AKUREYRI UM PÁSKANA!!!

Barna- og fjölskylduleikritið

Horn á höfði

á Akureyri um páskana!!

Tónlist eftir Villa Naglbít

Miðasala er í fullum gangi á fjölskylduleikritið Horn á höfði eftir Berg Þór Ingólfsson og Guðmund S. Brynjólfsson. Verkið var frumsýnt sl. haust í Grindavík við frábærar undirtektir. Áhorfendur og gagnrýnendur voru sammála um að þetta væri eitt skemmtilegasta barnaleikrit ársins. Tónlistin er eftir Akureyringinn Villa Naglbít og eiga lögin úr sýningunni vonandi eftir að hljóma hátt í skíðabrekkunum fyrir norðan um páskana.

Sýningar verða í Rýminu og verið sett upp í samstarfi við Leikfélag Akureyrar.

Verkið fjallar um tvo vini, Björn og Jórunni. Björn litli vaknar einn morguninn með horn á höfðinu. Hann fær Jórunni vinkonu sína til að hjálpa sér að komast að ástæðunni. Í leit sinni að sannleikanum renna þau inn í æsilega atburðarrás á mörkum ævintýris og veruleika og læra hversu mikils virði vináttan er.

Horn á höfði er stórkostleg skemmtun fyrir alla fjölskylduna - frá 3ja ára og uppúr.

Sýningardagar um páskana eru:

Miðvikudaginn 31. mars kl. 16.00

Fimmtudaginn 1. apríl kl. 14.00

Fimmtudaginn 1. apríl kl. 16.00

Laugardaginn 3. apríl kl. 14.00

Laugardaginn 3. apríl kl. 16.00

Miðaverð kr. 2500

Fjölskyldutilboð: þú kaupir 4 miða og færð 1 frían!!

Miðasala á www.leikfelag.is [e-mail] og í síma: 4600 200

Leikarar eru Víðir Guðmundsson, Sveinn Ólafur Gunnarsson og Tinna Lind Gunnarsdóttir.

Gagnrýni Horn á höfði:

Salurinn veltist um af hlátri. Gaman !!!!

E.B. Fréttablaðið

Horn á höfði er ein besta barnasýning sl. árs...

Signý Gunnarsdóttir MBL
---------

SÍÐUSTU SÝNINGAR!!

 

 

NÚ eru aðeins 4 sýningar eftir hjá okkur í Grindavík.

Þær verða:

Sunnudaginn 22. nóv. kl. 13.00

Sunnudaginn 22. nóv, kl. 15.00

Sunnudaginn 29. nóv. kl. 13.00

Sunnudaginn 29. nóv. kl. 15.00

Miðapantanir eru í síma 823-5477 og á www.midi.is Upplýsingar í gegnum [e-mail] Geisladiskurinn kemur í búðir Eymundsson í vikunni!!

 

EKKI MISSA AF ÞESSARI FRÁBÆRU FJÖLSKYLDUSKEMMTUN. GRALLARARNIR Í GRAL.

Barnabókaverðlaun

Við óskum GRAL-ARANUM Guðmundi Brynjólfssyni innilega til hamingju með Íslensku Barnabókaverðlaunin sem honum voru veitt í dag. Stórkostlegar fréttir og hann vel að þeim kominn.

Guðmundur og Bergur skrifuðu leikverkin 21 MANNS SAKNAÐ, tilnefnt til Grímuverðlauna og Horn á höfði sem hefur fengið gríðar fína dóma.

Næstu sýninar eru:

Sunnudaginn 11. október kl. 17.00 - UPPSELT

Þriðjudaginn 13. október kl. 10.00 - UPPSELT

Miðvikudaginn 14. október kl. 17.30 - UPPSELT

Fimmtudaginn 15. október kl. 10.00 - UPPSELT

Laugardaginn 17. október kl. 17.00 - UPPSELT

Sunnudaginn 18. október kl. 17.00 - LAUS SÆTI

Mánudagur 19. október kl. 17.30 - UPPSELT

Sunnudagur 25. október kl. 16. 00 - LAUS SÆTI

Laugardagur 21. október kl. 16.00 - LAUS SÆTI

MIÐASALA Á WWW.MIDI.IS

5 stjörnur plús 4 stjörnur gera 9 stjörnur!!

''SALURINN VELTIST UM AF HLÁTRI''       ''GAMAN''  

 ''GRÍÐARVEL UNNIÐ HANDRIT''

''LEIKARARNIR VORU HVER ÖÐRUM BETRI''  

E.B. FRÉTTABLAÐIÐ. 

 

Við erum í skýjunum yfir frábærri gagnrýni, fengum 5 stjörnur í Fréttablaðinu og 4 stjörnur í DV. Gerist ekki mikið betra. Frumsýningin gekk vel og allir skemmtu sér konunglega.

Framundan eru skemmtilegar sýningahelgar:

Laugardaginn 26.september kl. 14.00

Sunnudaginn 27. september kl. 14.00

Laugardaginn 3. október kl. 14.00

Sunnudaginn 4. október kl. 14.00 

Hvetjum alla til að koma, skemmta sér  með okkur og hlæja mikið í Grindavík.

Miðasala sem fyrr á www.midi.is og í síma 823-5477.

 

BESTU KVEÐJUR

GRAL 

  

 

 

FRUMSÝNING Á MORGUN 13. SEPTEMBER KL. 14.00

GRAL frumsýnir á morgun fjölskyldu- og barnaleikritið Horn á höfði eftir Berg Þór Ingólfsson og Guðmund Brynjólfsson. Tónlist er eftir Villa naglbít og GRAL er einnig að gefa út geisladisk með leikritinu, lögunum úr sýningunni og myndasögu sem Högni Sigþórsson teiknar.   

Bergur Þór Ingólfsson leikstýrir verkinu, Eva Vala Guðjónsdóttir hannar leikmynd og búninga og Magnús Arnar lýsir upp ævintýrið.

Við sýnum verkið  í litla leikhúsinu okkar í Hafnargötu 7a, í Grindavík, gengið inn hjá Mamma Mia.

 Næstu sýningar eru

Laugardaginn 19. september kl. 14.00

Sunnudaginn 27. september kl. 14.00

Laugardaginn 3. október kl. 14.00

Miðasala er á www.midi.is, í síma 823-5477 eða hægt er að senda okkur línu á [e-mail]

Almennt miðaverð er kr. 2500.- 

Hlökkum mikið til að sjá ykkur í leikhúsinu! 

 

Styrkveiting og áframhald

 

Gral hefur nú á dögunum tekið við uppsetningarstyrk frá Menntamálaráðuneytinu uppá fjórar miljónir og átta mánuð í listamannalaun. Við þökkum kærlega fyrir okkur. um þessar mundir er unnið hörðum höndum að handriti á næsta verkefni sem er barna og fjölskyldusýningin Horn á höfði sem frumsýnt verður í september. það er sama teymi sem vinnur að þessu verki og kom að 21 manns saknað; Bergur Ingólfsson og Guðmundur Brynjólfsson skrifa verkið, leikstjóri er Bergur, og leikarar Víðir Guðmundsson og Sólveig Guðmundssdóttir. fleiri eiga þó eftir að bætast í hópinn er líður á.

MIÐASALA HAFIN

21 MANNS SAKNAÐ
Einleikur um epíska ævi Séra Odds V. Gíslasonar

mesta braskmennis sinnar samtíðar!

Á seinni hluta nítjándu aldar, þegar stór hluti þjóðarinnar bjó enn í torfkofum og sjómenn réru á opnum bátum var prestur suður í Staðarsókn í Grindavík sem ekki gat sætt sig við að Íslendingar stæðu utan við þá iðnbyltingu sem hafði átt sér stað í Evrópu. Það var Séra Oddur V. Gíslason.

21 MANNS SAKNAÐ segir frá Séra Oddi og þeim framúrstefnulegum verkefnum sem hann tók sér fyrir hendur: lýsisbræðslu á Höfnum, brennisteinsnámuvinnslu í Krýsuvík, kolanámuvinnu við Hreðavatn, baráttunni við fátæktina og bakkus. Hann var maðurinn sem lagði grunninn að slysavörnum á Íslandi, kom út  fyrstu kennslubók í ensku fyrir Íslendinga og þá stóð hann fyrir einu frægasta brúðarráni á Íslandi ... en aldrei hélst honum á peningum.

Maðurinn sem barðist við að bjarga heiminum allt sitt líf.

Víðir Guðmundsson fer með hlutverk Séra Odds í leikstjórn Bergs Þórs Ingólfssonar.

Sýnt í Saltfisksetrinu Grindavík.

Bláa Lónið býður áhorfendum 2 fyrir 1 tilboð í Lónið á sýningardegi gegn framvísun miða.

Miðasala:
Miðasala er í Saltfisksetrinu í síma 4201190.
Miðasala er  opin miðvikudag til sunnudags frá kl: 11.00 til 18.00 og á www.midi.is

21 MANNS  SAKNAÐ – SÝNINGAPLAN:

Lau. 15. nóv. - Frumsýning - uppselt
Sun. 16. nóv.  kl. 20.00

Mið. 19. nóv. - kl. 11.00 - uppselt 
Fim. 20. nóv. - kl. 11.00 - uppselt

Fös. 21. nóv. - kl. 20.00
Lau. 22. nóv .- kl. 20.00
Sun. 23. nóv .- kl. 20.00

Mið. 26. nóv. - kl.11.00 - uppselt 
Fim. 27. nóv - kl. 11.00 - uppselt 

Fös. 28. nóv. - kl. 20.00
Lau. 29. nóv. - kl. 20.00
Sun. 30. nóv. - kl. 20.00

Fös.  5. des - kl. 20.00
Lau. 6. des. - kl. 20.00
Sun. 7. des  - kl. 20.00

Miðaverð:
Almennt verð kr. 2600.-
Nemar og ellilífeyrisþegar kr.1500.-

Hópatilboð:
Yfir 20 manns: 2200.-
Yfir 40 manns: 2000.-

Upplýsingar:
e- mail:  [e-mail]  

 
         

   
 

                                                                            
 

GRAL

GRAL

 

• Þann 21. nóvember árið 2007 stofnuðu grindvískir atvinnuleikarar formlega til félagsskaparins GRAL.
• GRAL er skammstöfun á GRindvískir AtvinnuLeikarar.
• Meginmarkmið félagsins er að taka þátt í þjóðfélagsumræðum, hafa áhrif á listalíf í landinu (og þá helst í Grindavík) og álykta í hinum ýmsu málum á opinberum vettvangi ásamt því að gera grindvískum ungmennum auðveldara að feta veg listarinnar sé það mögulegt.
• Félagatal:  Bergur Þór Ingólfsson og Víðir Guðmundsson enda ekki um fleiri grindvískra atvinnuleikara að ræða.
• Eitt af háleitum markmiðum félagsins er að fjölga til muna í félaginu á komandi árum og skal grindvísk menning vega jafnhátt og sjávarútgerð í Grindavík innan tveggja áratuga - allavega í huga almennings í landinu.  Fjölgunin mun þó frekar miðast við gæði en magn þótt stundum megi magn teljast gæði.

 

• Á þessum rúmu tveimur lífmánuðum félagsins hafa háleitar hugsjónir þess gildnað, þroskast og blásið út.
• Til þess að ná markmiðum sínum hyggjast félagsmenn nú stofna FYRSTA ATVINNULEIKHÚSIÐ Í GRINDAVÍK og skal það bera sama nafn og félagið:  GRAL  (eða GRINDVÍSKA ATVINNULEIKHÚSIÐ).

 

            MARKMIÐ:

•  
  1. GRAL skal setja upp leiksýningar í Grindavík sem standast þær bestu gæðakröfur sem gerðar eru til atvinnuleikhúss í landinu.
  2. GRAL skilgreinir sig sem grindvískt menningarfélag og skal þessvegna leitast við að efla grindvíska menningu með ýmsum hætti.
  3. GRAL skal tileggja áherslu á að setja upp leiksýningar sem tengjast grindvískri sögu og/eða menningu.
  4. GRAL skal setja a.m.k. upp eina leiksýningu á ári næstu fjögur árin og fleiri ef efni standa til.
  5. GRAL skal leitast við að ráða til starfa grindvíska listamenn sem og tæknifólk.
  6. GRAL skal hvetja grindvíska listamenn til dáða.
  7. GRAL skal efla og kynna grindvíska menningu á lands- og jafnvel heimsvísu eins djarflega og aðstæður leyfa.
  8. GRAL skal miðla þekkingu sinni til áhugaleikhúss í bæjarfélaginu eins og kostur er.
  9. Til þess að framangreind atriði nái fram að ganga verður að taka tillit til þess að Grindavík er hluti af Íslandi, sem er síðan hluti af umheiminum og til þess að einangrast ekki er félaginu leyfilegt að fá til sín utanaðkomandi þekkingu ef þurfa þykir og skulu ferskir menningarvindar allstaðar að fá að blása óáreittir um starfsemi félagsins.  GRAL er því hvorki átthagafélag né þjóðernishreyfing.
  10. GRAL mun leytast við að fá gestasýningar frá öðrum atvinnuleikhúsum til bæjarins til að stuðla að fjölbreytni í menningarflórunni.
  11. Þótt leikhús sé ekki steinsteypa stefnir GRAL að því að vera komið með fast húsnæði fyrir haustið 2012.

            MANIFESTO

1.      Jafnrétti, frelsi, bræðralag.

2.      Listin er óháð hverskyns trúarhópum, stjórnmálaskoðunum, félagasamtökum eða stofnunum.  Hún er spegill á mannlífið og tekur þá afstöðu sem henni býður hverju sinni.

3.      Enginn maður er æðri andanum.

4.      Kærleikurinn er afl.

5.      Til að manneskjan þrífist þarf hún á sögum að halda til jafns við mat og drykk.

 

            VERKEFNASKRÁ

                        2008 - Séra Oddur

• Séra Oddur V. Gíslason sóknarprestur í Grindavík átti erfiða og oft skrautlega ævi. Má nefna að hann þurfti að nema burt stúlkuna sem hann elskaði til að geta kvænst henni ásamt því að hann var forvígismaður um slysa- og sjóvarnir á Íslandi. Þá átti hann í höggi við stórkaupmenn í Grindavík vegna áfengislaga en átti sjálfur við áfengisvandamál að stríða. Epísk ævisaga merkilegs manns.
• Höfundur og leikstjóri: Bergur Þór Ingólfsson.
• Leikari: Víðir Guðmundsson.
• Sýnt á lofti Flagghússins í Grindavík.
• Var áður sýnt í Grindavíkurkirkju árið 2000 með tveimur áhugaleikurum og var annar þeirra Víðir Guðmundsson.
• Verkið þarfnast yfirlegu og bóta.

 

                        2009 - Kaldalóns

• Sigvaldi Kaldalóns héraðslæknir bjó í Gindavík um tíma og hafði víðtæk áhrif á menningarlíf þar. Hjá honum gistu margir af helstu listamönnum þjóðarinnar á þeim tíma s.s. Steinn Steinarr, Halldór Laxness og Gunnlaugur Scheving svo fáeinir séu nefndir. Það má því gera sér í hugarlund lífið í húsi læknisins ásamt því að þurfa að takast á við heilsufar hjá fátækri þjóð. Söngur, gleði og drama - allt í senn.
• Óskrifað verk.
• Viðræður við Ólaf Hauk Símonarson rithöfund um að skrifa verkið eru hafnar og hefur hann sýnt efninu mikinn áhuga.

 

                        2010 - Guðbergur

• Guðbergur Bergsson, einn helsti samtímarithöfundur Íslands, ólst upp í Grindavík og hafa bækur hans gjarnan fjallað um grindvískan veruleika auk þess sem skáldævisaga hans (tvær bækur: Faðir og móðir og dulmagn bernskunnar og Eins og steinninn sem hafið fágar) fjallar um hans eigin uppvöxt og ævi.
• Draumurinn er að fá Guðberg til að skrifa nýtt leikrit um grindvískan veruleika eins og hann birtist honum en ef það er ekki gerlegt er hvaða skáldverk Guðbergs sem er tækt til flutnings í grindvísku atvinnuleikhúsi.

 

                        2011 - Járngerður og Þórkatla

• Barnaleikrit sem fjallar um skessurnar Járngerði og Þórkötlu sem hverfin tvö í Grindavík eru nefnd eftir. Í einn pott eru sett örnefni og þjóðsögur frá Grindavík. Þorbjörn og Hafur-Björn koma við sögu ásamt ruplandi Tyrkjum og hinum ægilega Ægi á Sandi sem er bæði örlátur og grimmur.
• Óskrifað verk.

 

            FRAMKVÆMD

• Nú þegar hefur GRAL gert munnlegt samkomulag við Erling Einarsson sem stendur að uppgerð Flagghússins á Járngerðarstöðum um sýningar á loftinu þar haustið 2008.
• Bæjarfulltrúar Grindavíkurbæjar hafa lofað framtakið og eru tilbúnir að veita verkefninu brautargengi.
• Markaðs- og ferðamálafulltrúi Grindavíkurbæjar, Óskar Sævarsson, styður verkefnið og er tilbúinn að veita í það fé úr þeim sjóðum sem hann hefur yfir að ráða ásamt kynningu og annars sem verkefnið þarf á að halda.

 

            ÁHRIF

• Leikhúsið mun draga að sér áhorfendur úr öðrum byggðarlögum. Sérstaklega skal nefna Séra Odd sem á erindi við allar Slysavarnadeildir á landinu nú á afmælisári.
• Störf innan leikhússins munu ekki vera mörg til að byrja með en búast má við að a.m.k. tíu ný störf muni skapast um hverja sýningu.
• Margföldunaráhrif í verslun og þjónustu eru umtalsverð.
• Þekkingarmiðlun á sviði lista mun verða mikil og áhrifin langvarandi.